咆哮山莊(第二期)

星期四, 1月 11, 2007

最後一分

練跑，腳傷，腫到豬蹄咁，
到突然好番可以考試

我想了很多：
我真的想做個關員嗎?
只是因為薪津福利還是安全穩定?
若果只是這樣，
咁同我平時唾棄的人有什麼分別?

我有盡力去完成所有項目，
結果係點都無所謂。

穿梯好好玩 (我果然係貓來的)
好後悔試玩既時候無從最高處放手
無想過我跳得咁近
最有力的肌肉係大腿?
那為什麼我跳得不遠?
八百米，跑到最後無力啦，
看看個天吧，多麼廣闊啊!
可以在這樣的天空下跑步，
已經很不錯吧。
我究竟跑的時候在想什麼啊?

雖然這個故事暫告一段落，
但我從此知道，九龍灣有這樣的一條街：
臨澤街 Lam Chak Street
是誰想的街名啊?!!


posted by 穆沓 at 10:16 下午

11 Comments:

  • 好後悔試玩既時候無從最高處放手 -
    你想唔駛考咩﹖
    好彩就一死了之﹐唔好彩搞到要人家照顧賴屎賴尿日日望住天花板就真係一D都唔過癮囉。

    By Blogger 1010, at 週日 1月 14, 03:19:00 上午  

  • 四米的高度, 又有墊, 唔洗又生又死咁嚴重

    By Blogger 穆沓, at 週日 1月 14, 04:24:00 下午  

  • 你知道跌死黃家驅個臺有幾高嗎﹖
    咪就係四米左右囉。

    By Blogger 1010, at 週一 1月 15, 02:23:00 上午  

  • 你說的或許是對的, 然而我只想, 能夠在有足夠安全措施的還境, 嘗試自由下墜的感覺, 好使在必須要選擇在這種高度跳下的時候, 多一點心理準備

    這些留言, 反映了你與我截然不同的人生態度, 你是通過訓練讓自己克服挑戰, 而我是通過挑戰讓自己得到訓練

    By Blogger 穆沓, at 週二 1月 16, 10:16:00 下午  

  • 可能因為你由細到大都無點入過廠啦。
    發高燒﹐左手﹐右手﹐頭﹐
    住醫院好慘架。

    不過我唔排除你好享受住醫院的可能性。

    就算地下有軟氈﹐四米跌落去﹐其實都好易拗柴。

    你有睇今日新聞嗎﹖有個小朋友穿了救生衣都浸死左﹐因為件救生衣綁唔緊。咩係足夠安全措施呢﹖

    正如點先唔會有性病呢﹖個答案你同我都知啦。(哈哈﹐點解講到咁遠0既﹖)

    By Blogger 1010, at 週二 1月 16, 11:41:00 下午  

  • 無聊新聞一則﹕原來任達華個阿哥依家係香港警務處副處長

    By Blogger 1010, at 週三 1月 17, 11:37:00 下午  

  • 我無寫過住醫院唔慘, 有嗎?
    可能你經歷了很多, 所以想要無風無浪的生活吧, 對嗎?
    我知你想我好, 但當發現自己原來只是溫室裏的小草, 就會希望經歷多一些, 以免連一個小風浪也過不到

    點先唔會有性病同點先唔會比小朋友跌襯一樣, 但係一個細路從來都無跌過, 好嗎?
    你明白我的重點, 就不會問咁不如人人都搞到有病好唔好, 如果唔明的話, 也不用問, 因為呢個唔係重點

    By Blogger 穆沓, at 週六 1月 20, 12:59:00 上午  

  • 哈哈哈哈哈﹗

    我估我唔會將染上性病同小朋友跌倒混為一談囉﹐因為唔會有人話“人要透過染上性病才會成長”。

    我知你唔係咁0既意思﹐不過想到呢度就覺得好好笑囉。

    我話住醫院好慘﹐係因為(我認為)你好似覺得無咩所謂﹐傷咪傷囉。

    每個人在人生中追求的都不盡相同﹐而每個人對“風浪”的定義亦不會一樣。實在不必拘泥於甚麼經不經得起風浪﹐因為生活﹐其實只有活得開不開心。

    老實講﹐我唔係想你唔好﹐但係都唔係話要同你講咩係好囉﹐因為好定唔好﹐係你自己定架嘛。等於我地話飲中湯好﹐你唔會認同一樣。響度都係想提供一下另一個觀點0者。

    By Blogger 1010, at 週一 1月 22, 01:22:00 上午  

  • 住醫院慘唔慘, 同我在唔在意傷唔傷, 應該係獨立的事吧?

    其實住醫院真的唔算慘, 至少係病有所醫, 看過第三世界和國內的病人嗎?

    每個的風浪的確不盡相同, 但字義應該相距不遠吧?

    生活只是開心, 便真的足夠嗎?

    By Blogger 穆沓, at 週五 1月 26, 12:51:00 上午  

  • “其實住醫院真的唔算慘” - 或者這個要視乎你拿他們跟誰比較吧。

    “字義”同“定義”一樣嗎﹖

    "生活只是開心, 便真的足夠嗎?" - 願聞其詳。

    By Blogger 1010, at 週六 1月 27, 01:31:00 上午  

  • 如果病了可以在醫院接受治療也算慘的話，那麼病了不能到醫院接受治療算什麼?

    其實我也不想說什麼字義和定義，但既然你說了"每個人對“風浪”的定義亦不會一樣", 那麼要講下去也沒意思, 因為連風浪這個中文詞語也要定義一番的話, 我恐怕一句普通的中文句子要有十句的定義, 對不起, 我無心機來那麼多定義, 所以我用上字義, 字面上的意思, 沒有暗示, 沒有潛台詞, 一就係一

    "生活只是開心, 便真的足夠嗎?"
    這個好, 我真的不知點答, 也許是無憾吧?

    話說回來, 我活得開心嗎? 我也不太清楚, 我倒肯定, 我活得不耐煩

    By Blogger 穆沓, at 週三 1月 31, 11:01:00 下午  

發佈留言

<< Home